Miss Molly's School series
Manners ကောင်းတွေနဲ့ လူချွန်လူကောင်းတစ်ယောက်ဖြစ်လာစေဖို့
ကလေးတွေဆိုတာ ရွံရုပ်ကလေးတွေ လိုပါပဲ ဆိုတဲ့စကားကို လူတိုင်းကြားဖူးကြမှာပါ။ ငယ်ငယ်ကတည်းက အမူအကျင့်ကောင်းတွေ တတ်မြောက်နိုင်ဖို့၊ ယုံကြည်မှုရှိစေဖို့၊ ကိုယ်ချင်းစာသနားတတ်စေဖို့၊ ပတ်ဝန်းကျင်နဲ့ လိုက်လျောညီထွေ ပြောဆိုဆက်ဆံတတ်စေဖို့ အစရှိတဲ့ အရာတွေကို လေ့လာသင်ကြားပေးနိုင်ဖို့က အလွန်အရေးကြီးလှပါတယ်။ ဒါကြောင့် မင်မင်တို့က ကလေးတို့လည်း မပျင်းရ အလေ့အကျင့်ကောင်းတွေလည်း တတ်မြောက်နိုင်စေဖို့ စာအုပ်ကောင်းလေးဖြစ်တဲ့ Usborne ရဲ့ Miss Molly's series လေးနဲ့ မိတ်ဆက်ပေးပါရစေနော်။
စာအုပ်လေးအုပ်ပါဝင်တဲ့ series လေးမှာတော့...
-Miss Molly's School of Manners
ချစ်စရာ ရက်ကွန်းကောင်လေးရဲ့ အမူအကျင့်တွေကို ဆိုးရာကနေ ကောင်းလာအောင် ပြုပြင်ပေးလာတဲ့ပုံကို ကာတွန်းကားကြည့်နေရသလို illustration ကောင်းကောင်းလေးနဲ့ ဖတ်ရှုနိုင်မှာဖြစ်ပါတယ်။
- Miss Molly's School of Confidence
အလွန်ရှက်တတ်တဲ့ ယုန်မလေး Rosie ကို ကိုယ်ပိုင်ယုံကြည်မှု ရရှိလာအောင်ရော Miss Molly's School က ဘာတွေသင်ပြပေးသွားမလဲ။ အကြောက်တရားကို ရင်ဆိုင်နိုင်ဖို့၊ ဖိအားဒဏ်တွေ ခံနိုင်ပြီး ကလေးတွေကို ကိုယ်ပိုင်ယုံကြည်မှုတိုးတက်လာစေဖို့အကောင်းဆုံး စာအုပ်လေးပါပဲ။
- Miss Molly's School of Kindness
ကမ္ဘာ မှာတန်ဖိုးအကြီးဆုံးအရာဟာ မေတ္တာ မဟုတ်ပါဘူးလား။ ကလေးတွေကို ကိုယ်ထက်ကြီးသူတွေအပေါ်လေးစားဖို့၊ နှိမ့်ကျသူတွေနဲ့ဆို ကိုယ်ချင်းစာတတ်စေဖို့ မေတ္တာ ထားတတ်စေဖို့အတွက် သင်ကြားရာမှာ အထောက်အကူပြုစေမယ့် story လေးပဲ ဖြစ်ပါတယ်။
- Miss Molly's School of Making Friends
မိတ်ဆွေကောင်း တစ်ယောက်ရှိရင် ရန်သူတစ်ထောင်ကို အောင်နိုင်နိုင်တယ် ဆိုတဲ့ စကားအတိုင်း ကလေးတွေ သူငယ်ချင်းရှာတတ်တဲ့အရွယ်မှာ အချင်းချင်း ပြေပြေလည်လည်ရှိစေဖို့၊ အဖော်ကောင်းရှာတတ်စေဖို့အတွက် ဒီစာအုပ်လေးက လိုအပ်တာလေးတွေကို ပြောပြပေးသွားမှာပါ။
အသက် ၃နှစ်ကနေ ၁၂ နှစ်အရွယ် အထိ recommendပေးလိုပြီး စာအုပ်တစ်အုပ်ချင်းဆီတိုင်းက သားသားမီးမီးတို့ရဲ့ နေ့ရက်တိုင်းကို အကျိုးများစေမှာ အမှန်ပါပဲ။ အိပ်ရာဝင် ပုံပြင်အနေနဲ့ ပြောပြပေးနိုင်သလို ဖေဖေမေမေတို့နဲ့အတူ ဖတ်ရှုနိုင်တာမလို့ ဘက်စုံသုံးစာအုပ်တွဲလေး ဖြစ်တဲ့အတွက် ဆောင်ထားစေချင်ပါတယ်ရှင့်။